Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

183 ez hete der herzoge Îmâîn
      hôchzît dâ vor zwei jâr:
      saget diu âventiure wâr,
      sô hete er si dô zem dritten.
      an eine wise enmitten
188 hete er hôhe an eine stat
      einen sparwære ûf gesat
      ûf eine stange silberîn.
      diz muoste jærlîche sîn
      ze vreuden sîner lantdiet.
193 von der rede er niemen schiet,
      niuwan daz gelîche
      arme unde rîche,
      alte unde junge
      durch schœne handelunge
198 ze sîner vreude kæmen
      swenne siz vernæmen.
      swes vriundinne den strît
      behielte ze sîner hôchzît
      daz si diu schœniste wære,
203 diu næme den sparwære.
[ zurück ]