einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2128 wie lützel si vergâzender swerte bî der sîten! seht, si begunden strîten, zwêne gelîche starke man der enweder nie gewan2133 unredelîche zageheit (daz sî iu vür wâr geseit) alse grôz als umbe ein hâr, und ez muose dâ vür wâr den strît under in beiden2138 kunst und gelücke scheiden. Dô ir ietweder genuoc mit dem swerte gesluoc, dô bekumberte in alsus der getühtige Grêgôrius2143 daz er in zoumen began und vuorte in mit gewalte dan vaste gegen dem bürgetor. daz was im noch beslozzen vor und enwart niht drâte in verlân.2148 nû hâte des war getân |