einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec1506 von dem ritter der dâ kam,an dem er den sige nam. diu ros wâren in bereit. dô genôz er sîner vrümekeit. mit dem künege Artûse 1511 riten von dem hûse Gâwein und Persevâus und ein herre genant alsus, der künec Iels von Gâlôes, und Estorz fil roi Ares, 1516 Lucâns der schenke schein in der schar, dar zuo diu massenîe gar, daz sin emphiengen alle mit ritterlîchem schalle, geselleclîchen unde wol, 1521 als man lieben vriunt sol der verlorner vunden ist. gegen im was zer selben vrist über den hof gegangen, daz er würde emphangen, 1526 mîn vrouwe diu künegîn. |