Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

3374 ich wæne ez solde verdagen.
        entriuwen niht, ich sol imz sagen:
        ze swelher nôt ez mir ergê,
        ez wirt gewâget alsam ê."
        vil drâte si hin umbe sach,
3379 ze Êrecken si mit vorhten sprach:
        "herre, durch got vernim mich:
        bewar ez oder man sleht dich.
        ich sihe vünf gesellen
        die dich slahen wellen."
3384 als schiere si imz seite,
        ze wer er sich bereite.
        ir einer hete sich ûz genomen
        und was den andern vür komen,
        daz er tjostierte wider in,
3389 ûf sîn selbes ungewin,
        wan in stach Êrec fil de roi Lac
        daz er underm rosse tôt lac.
        dannoch wâren ir viere.
        der einen er schiere
3394 ouch tôten von dem rosse stach
[ zurück ]