Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4911 als ins diu vreude niht erlie,
        von liebe diu im geschach,
        wan er in starc und guot sach.
        er hiez in willekomen sîn
        unde sîne vriundîn.
4916 er genâdete im vil sêre
        sô vriuntlîcher êre
        die er im an sînem rosse bôt:
        von triuwen gie im nôt
        daz er imz wider sande.
4921 als schiere er in nande,
        er sprach zuo dem gaste:
        "wir haben iu vil vaste
        durch den walt geriten nâch.
        vrâget ir von wiu sô gâch
4926 uns sî oder waz ich welle,
        herre, wîlent geselle,
        daz sol iuch unverswigen sîn.
        ich bite iuch, nû lât werden schîn
        ob iu mîn herre liep sî,
4931 unde sage iu wâ bî.
[ zurück ]