Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1419 wie ich her komen bin.
        ich hân die kunst und ouch den sin,
        ich genise wol, und wil ez got.
        sô sêre vürhte ich den spot:
        ich wolde ê sîn dâ nieman ist,
1424 ê daz ich über dise vrist
        belibe hie ze lande.
        jâ vertrîbet mich diu schande.
        diu wîp sint sô unverdaget:
        sît si ez eines hât gesaget,
1429 sô wizzen ez vil schiere
        drîe unde viere
        und dar nâch alle die hie sint.'
         Der abbet sprach: 'vil liebez kint,
        nû lose: ich wil dir râten wol
1434 als ich mînem lieben sol
        den ich von kinde gezogen hân.
        got hât vil wol ze dir getân:
        er hât von sînen minnen
        an lîbe und an sinnen
1439 dir vil vrîe wal gegeben,
[ zurück ]