Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

1638 got gebe daz ez dir wol ergê
        und gebe dir durch sîne kraft
        heil ze dîner ritterschaft.'
         Nû schuof er daz man im sneit
        von dem selben phelle kleit
1643 den er dâ bî im vant:
        ez enkam nie bezzer in daz lant.
        er sach wol daz im was gâch
        unde machete in dar nâch
        ritter als im wol tohte
1648 sô er schierist mohte.
         Grêgôrius, dô er ritter wart,
        dannoch hete er im niht enbart
        umbe sîn tavel und umbe sîn golt.
        er was im alsô starke holt
1653 daz erz in hal durch einen list.
        er gedâhte: 'sît er nû ritter ist
        und er des guotes niene hât,
        sô hœret er lîhte mînen rât
        und belîbet noch durch guot gemach.'
1658 er versuochtez aber unde sprach:
[ zurück ]