einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius396 dâ was der triuwen alze vil.dar nâch beleip ez âne braht. alsus wart si der selben naht swanger bî ir bruoder. der tiuvelschünde luoder401 begunde si mêre schünden, daz in mit den sünden lieben begunde. si hâlenz ûf die stunde daz sich diu vrouwe des entstuont,406 sô diu wîp vil schiere tuont, daz si swanger wære. dô wart ir vreude swære, wan ezn stiurte si niht ze huote: si schein in unmuote.411 In geschach diu geswîche von grôzer heimlîche: heten si der entwichen, sô wæren si unbeswichen. nû sî gewarnet dar an416 ein iegelîche man |