Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

1887 ich wil in niuwan guotes jehen.
        allez guot müez in geschehen.
         Diu vrouwe jæmerlîchen sprach
        'nû clag ich gote mîn ungemach,
        daz ich nû niht ersterben mac.
1892 daz ich iemer deheinen tac
        nâch mînem herren leben sol,
        dâ mite enist mir doch niht wol.
        und möht ich umben tôt mîn leben
        âne houbetsünde gegeben,
1897 des wurd ich schiere gewert,
        od ichn vunde mezzer noch swert.
        ob ich des niht gerâten kan
        ichn müeze mit einem andern man
        mînes herren wandel hân,
1902 sone wilz diu werlt sô niht verstân
        als ez doch gote ist erkant:
        der weiz wol, ob mîn lant
        mit mir bevridet wære,
        daz ichs benamen enbære.
1907 nû rât mir, liebe, waz ich tuo,
[ zurück ]