Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3358 dem ist er nû vil ungelîch.
        er lief nû nacket beider,
        der sinne unde der cleider,
        unz daz in zeinen stunden
        slâfende vunden
3363 drî vrouwen dâ er lac,
        wol umb einen mitten tac,
        nâ ze guoter mâze
        bî der lantstrâze
        diu in ze rîten geschach.
3368 und alsô schiere do in ersach
        diu eine vrouwe von den drin,
        dô kêrte sî über in
        und sach in vlîzeclîchen an.
        nû jach des ein ieglich man
3373 wie er verloren wære:
        daz was ein gengez mære
        in allem dem lande:
        und daz sî in erkande,
        daz was des schult; und doch niht gar.
3378 sî nam an im war
[ zurück ]