Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

4890 der mich unz her geleitet hât,
        daz ich mich beidenthalp bewar
        sô daz ich rehte gevar.
        ichn wil benamen die niht lân
        der ich mich ê geheizen hân
4895 und diu ir angest und ir leit
        niuwan von mînen schulden treit:
        wan liez ich die danne,
        wie zæme daz guotem manne?
        doch wære diu eine maget
4900 dâ wider schiere verclaget,
        wider dem schaden der hie geschiht,
        gieng ez mir an die triuwe niht.
        sô wære ouch dirre wirt wol wert,
        der ouch mîner helfe gert,
4905 und hern Gâweins swester und ir kint,
        diu mir ze herzen gânde sint
        durch sî selben und durch in
        dem ich wol schuldec bin
        daz ich im niht des abe gê
4910 daz im ze dienste gestê.
[ zurück ]