Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5949 sî sprach 'ich bin nâch im gesant,
        und wart mir anders niht genant,
        wan daz ein lewe mit im ist.'
        er sprach 'der hât an dirre vrist
        von uns hie urloup genomen,
5954 ichn kunde in des niht überkomen
        daz er hie langer wolde wesen.
        er und sîn lewe sint wol genesen.
        sî lâgen hie beide sêre wunt:
        nû varent sî vrô und wol gesunt.
5959 welt ir in schiere errîten,
        sone sult ir ouch niht bîten.
        setzet iuch rehte ûf sîne slâ:
        und gerâtet ir im rehte nâ,
        sô habt ir in vil schier erriten.'
5964 done wart niht langer dâ gebiten:
        sine mohte zeltens niht gehaben,
        si begunde schiuften unde draben,
        unz daz sî in ane sach.
        sô liebe als ir dar an geschach,
5969 als liebe müeze uns noch geschehen,
[ zurück ]