Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

907 ichn weiz wem liebe dran geschach:
      ez was dem hern Îwein ungemach,
      wand er sich hete an genomen
      daz er dar eine wolde komen.
      er gedâhte 'ich enmac daz niht bewarn,
912 und wil der künec selbe varn,
      mirn werde mîn rîterschaft benomen.
      mir sol des strîtes vür komen
      mîn her Gâwein:
      des enist zwîvel dehein,
917 als schiere so er des strîtes gert,
      ern werdes vür mich gewert.
      entriuwen ez sol anders varn:
      ich kan daz harte wol bewarn,
      swer vierzehen tage erbîtet,
922 daz er vor mir niht enstrîtet.
      wan ich sol in disen drin tagen
      des endes varn, und niemen sagen,
      in den walt ze Breziljân,
      suochen unz ich vunden hân
927 den stîc den Kâlogrenant
[ zurück ]