einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein3832 von wederm si wære under den zwein,von wurme ode von tiere: er bevandez aber schiere. wan diu selbe stimme wîst in durch michel waltgevelle hin3837 dâ er an einer blœze ersach wâ ein grimmer kampf geschach, dâ mit unverzagten siten ein wurm unde ein lewe striten. der wurm was starc unde grôz:3842 daz viur im ûz dem munde schôz. im half diu hitze und der stanc, daz er den lewen des betwanc daz er alsô lûte schrê. hern Îwein tete der zwîvel wê3847 wederm er helfen solde, und bedâhte sich daz er wolde helfen dem edelen tiere. doch vorhter des, swie schiere des wurmes tôt ergienge,3852 daz in daz niht vervienge, |