Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

1173 als ich verre kiesen kan
        und als mir mîn gemüete seit,
        dem Êrec dô nâch reit.
        nû sehet, ir sint drîe:
        daz getwerc und sîn âmîe
1178 rîtent mit im dort her.
        ezn ist nieman wan er.
        jâ vert er sam er rîte
        ûzer einem strîte.
        ez mac iu dâ bî sîn erkant,
1183 im ist der schilt unz an die hant
        vil nâch verhouwen gar,
        sîn harnasch aller bluotvar.
        ich wil iu zewâre sagen,
        er hât Êrecken erslagen
1188 und ist durch ruom her komen
        daz er den sige hât genomen.
        oder er hât den ritter gesant
        sigelôsen in diz lant
        durch unsers hoves êre:
1193 des selben gedinge ich sêre."
[ zurück ]