einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec9127 die zoume wurden lâzen,und erbeizten zuo der erde. got herre, nû gewerde des künec Êreckes phlegen! wan er bestât einen degen 9132 der hât ellen unde kraft: des bin ich umbe in angesthaft. nû schieden si beide diu swert von der scheide und wurfen si umbe in der hant. 9137 hie gienc ez über der schilte rant dô si zesamene trâten. die grimmen slege si tâten. die schilte buten si dar: die wurden ouch alsô gar 9142 unz anz gestelle zeslagen, daz si ir niht mêre getragen vor den armen mohten und in ze wer niht tohten. dô wurfen si die von der hant. 9147 nû schirmte in daz îsengewant |