Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5562 daz sî daz willeclîchen tete.
        des gnâdet er ir tûsentstunt.
        nû was der lewe sô starke wunt
        daz er michel arbeit
        ûf dem wege mit im leit.
5567 dô er niht mêre mohte gân,
        dô muoser von dem orse stân,
        und las zesamne mit der hant
        mies und swaz er lindes vant:
        daz leiter allez under in
5572 in sînen schilt und huop in hin
        ûf daz ors vür sich.
        daz leben was gnuoc kumberlich.
        sus leit er arbeit genuoc,
        unz daz in der wec truoc
5577 dâ er eine burc sach.
        dar kêrt er dô durch sîn gemach,
        und vant beslozzen daz tor,
        und einen knappen dâ vor.
        der erkande wol sîns herren muot:
5582 sîn herre was biderbe unde guot,
[ zurück ]