Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

7132 ein ander harte milte:
        den schilten wâren sî gehaz.
        ir ietweder bedâhte daz
        'waz touc mir mîn arbeit?
        unz er den schilt vor im treit,
7137 sô ist er ein sicher man.'
        die schilte hiuwen sî dan.
        sîne geruochten des nie
        daz sî niderhalp der knie
        deheiner slege tæten war,
7142 dâ si der schilte wâren bar.
        si entlihen kreftiger slege
        mê dan ich gesagen mege,
        âne bürgen und âne pfant,
        und wart vergolten dâ zehant.
7147 Swer gerne giltet, daz ist guot:
        wan hât er borgennes muot,
        sô mac er wol borgen.
        daz muosen sî besorgen,
        swer borget und niht gulte,
7152 daz er des lîhte engulte.
[ zurück ]