einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2104 vil sinneclichen im geschach:er begunde im entwîchen vil harte kärclîchen zuo den sînen vür daz tor. vil wol erbeite er sîn dâ vor,2109 ob er in bekumbern möhte, daz im niene töhte diu helfe von sînem her. nû saz diu burcmûre und diu wer vol ritter unde vrouwen2114 die daz wolden schouwen wederm dâ gelunge. nu ensûmde sich niht der junge. Ir ietweder sich dâ vleiz ûf ein langez puneiz.2119 zuo ein ander wart in ger. alse schiere si diu sper under die arme sluogen, diu ors si zesamene truogen. diu sper wâren kurz und grôz,2124 des ir ietweder missenôz: |