einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2998 des verdirbet unser herre."disiu rede geschach sô verre daz si die vrouwen ane kam. als si den itewîz vernam, des wart vil riuwic ir muot, 3003 wan si was biderbe unde guot, und gedâhte manegen enden wie si möhte erwenden alsô gemeinen haz. ouch geruochte si erkennen daz 3008 daz ez ir schult wære. si begunde dise swære harte wîplîchen tragen. Êrecke getorste siz niht klagen: si vorhte in dâ verliesen mite. 3013 nû kam ez alsô nâch ir site daz er umbe einen mitten tac an ir arme gelac. nû gezam des wol der sunnen schîn daz er ir dienest muoste sîn: 3018 wan er den gelieben zwein |