einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec8287 diu zweinzegest vor in allen.wer möhte si gar geschrîben? diu swachest under den wîben diu zierte wol ein rîche mit ir wætlîche. 8292 als er der wünneclîchen schar rehte getete war, nû gedâhte er in sînem muote: "rîcher got der guote, hier an ist mir erkant 8297 daz dû von schulden bist genant der vil wunderlîche got, daz dîn gewalt und dîn gebot an ein alsô enge stat sô manec wîp hât gesat 8302 dâ mite vil manec wît lant, als dir selbem ist erkant, vil schône gezieret wære: daz lâstû vreuden lære." ze dem gedanke er stille dagete. 8307 der wirt ie mitten sagete |