Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

143 er eine über al die kristenheit.
      noch enhân ich iu niht geseit,
      welh die wunden sint gewesen
      der er sô kûme ist genesen,
      wie er die wunden emphie
148 und wie er sich ir ergie
      âne den êwigen tôt.
      des ist ze hœrenne nôt
      und ze merkenne in allen
      die dâ sint vervallen
153 under bercswæren schulden,
      ob er ze gotes hulden
      dannoch wider gâhet,
      daz in got gerne emphâhet.
      wan sîner gnâden ist sô vil
158 daz er des niene wil
      und ez gar verboten hât
      daz man durch deheine missetât
      an im iht zwîvelhaft bestê.
      ez enist dehein sünde mê,
163 man enwerde ir mit der riuwe
[ zurück ]