einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2947 und woldes geniezen wider gotdaz er leit sô grôzen spot von alsô swacher geburt. er engap im dehein antwurt unz ûf die stunde2952 daz er in begunde vrâgen der mære waz mannes er wære. er sprach: 'herre, ich bin ein man daz ich niht ahte wizzen kan2957 mîner süntlîchen schulde und suoche umb gotes hulde ein stat in dirre wüeste, ûf der ich iemer müeste büezen unz an mînen tôt2962 vaste mit des lîbes nôt. ez ist hiute der dritte tac daz ich der werlde verphlac und allez nâch der wilde gie. ich enversach mich niht hie2967 gebiuwes noch liute. |