Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Iwein

2778 der enhât der sælden niht.
        nû ist iuwer arbeit
        sæleclîchen an geleit:
        iu hât erworben iuwer hant
        ein schœne wîp unde ein lant.
2783 sît iu nû wol geschehen sî,
        sô bewaret daz dâ bî
        daz iuch iht gehœne
        iuwers wîbes schœne.
        geselle, behüetet daz enzît
2788 daz ir iht in ir schulden sît
        die des werdent gezigen
        daz sî sich durch ir wîp verligen.
        kêrt ez niht allez an gemach;
        als dem hern Êrecke geschach,
2793 der sich ouch alsô manegen tac
        durch vrouwen Ênîten verlac.
        wan daz er sichs erholte
        sît als ein rîter solte,
        sô wære vervarn sîn êre.
2798 der minnete ze sêre.

[ zurück ]