einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein4208 wær sî sînem lîbe gelîch,sô vreuter sich daz sîz getete.' dô sprach er 'heizet ir Lûnete?' sî sprach 'herre, jâ ich.' er sprach 'sô erkennet mich:4213 ich binz Îwein der arme. daz ez got erbarme daz ich ie wart geborn! nû wie hân ich verlorn mîner vrouwen hulde!4218 sît diu selbe schulde niemannes ist wan mîn, der schade sol ouch mîn eines sîn: ichn weiz wem ich sî mêre gebe. jane müet mich niht wan daz ich lebe:4223 ouch sol ich schiere tôt geligen. deiswâr ich trûwe wol gesigen an den rîtern allen drin, die iuch geworfen hânt her in: und swenn ich iuch erlœset hân,4228 sô sol ich mich selben slân. |