einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Iwein5229 Nû was diu reine guote magetvon vorhten alsô gar verzaget daz sî vil kûme ûf gesach: do gevienc sî kraft unde sprach 'herre, daz vergelt iu got:5234 der weiz wol daz ich disen spot und dise schande dulde ân alle mîne schulde; und bite des unsern herren daz sî iu müezen werren5239 niuwan als ich schuldec sî,' und zeicte sî im alle drî. Dô sprach der truhsæze 'er ist gnuoc tumpræze der her kumt sterben durch dich.5244 nû ist ez gnuoc billich, swer selbe des tôdes ger, daz mans ouch den gewer, und der ouch danne vehte sô gar wider dem rehte.5249 wan ez hât allez diz lant |