Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2210 'dâ treip in diu liebe darzuo.'
        'sage durch got, wer weiz ez doch?'
        'vrouwe, ezn weiz niemen noch,
        niuwan der garzûn unde wir.'
        'wan vüerstun danne her ze mir?
2215 nû genc enwec, ich beites hie.'
        dô diu maget nâch im gie,
        durch ir gemelîche
        do gebârte sî gelîche
        als sî mit bœsem mære
2220 zuo im gesendet wære.
        sî hienc daz houbet unde sprach
        trûreclîchen, dô si in sach
        'ichn weiz waz ich tuon sol.
        mîn vrouwe weiz iuch hinne wol:
2225 ir ist ûf mich vaste zorn,
        ich hân ir hulde verlorn,
        daz ich iuch hie behalten hân,
        und enwil mich doch des niht erlân
        sîne welle iuch gesehen.'
2230 'ê des niht ensüle geschehen,
[ zurück ]