Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2574 ze truhsæzen in sînem hûs.
         Nû wârens under in beiden
        des willen ungescheiden:
        ir ietweder gedâhte sêre
        ûf des andern êre:
2579 ir gelinge was ab mislîch.
        diu tjost wart guot unde rîch,
        und der herre Keiî,
        swie bœse ir wænet daz er sî,
        er zestach sîn sper unz an die hant.
2584 dâ mite wart ouch er gesant
        ûz dem satel als ein sac,
        daz ern weste wâ er lac.
        done wolder im niht mêre
        tuon dehein unêre,
2589 wan daz er schimpflichen sprach,
        dô er in vor im ligen sach
        'war umbe liget ir dâ durch got?
        nû wârn sî doch ie iuwer spot
        den âne ir schulde misselanc.
2594 vielet ir sunder iuwern danc?
[ zurück ]