Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3186 und triuwelôs beide);
        und mac sich der künec iemer schamen,
        hât er iuch mêre in rîters namen,
        sô liep im triuwe und êre ist.
        ouch sulnt ir vür dise vrist
3191 mîner vrouwen entwesen:
        sî wil ouch âne iuch genesen.
        und sendet ir wider ir vingerlîn:
        daz ensol niht langer sîn
        an einer ungetriuwen hant:
3196 sî hât mich her darnâch gesant.'
        von herzeleide geschach im daz
        daz erz verdulte und versaz
        daz sîz im ab der hant gewan.
        sî neic dem künege und schiet von dan.
3201 Daz smæhen daz vrou Lûnete
        den herren Îweinen tete,
        daz gæhe wider kêren,
        der slac sîner êren,
        daz sî sô von im schiet
3206 daz sî in entrôste noch enriet,
[ zurück ]