Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3629 ichn kan iu des gesagen niht
        welch wunders geschiht
        mich dâ her hât getragen:
        wan daz kan ich iu wol gesagen
        daz ich hie ungerne bin.
3634 nû vüeret mich mit iu hin:
        sô handelt ir mich harte wol,
        und gedienez immer als ich sol.'
        sî sprach 'rîter, daz sî getân.
        ich wil mîn reise durch iuch lân:
3639 mich hete mîn vrouwe gesant.
        diu ist ouch vrouwe über diz lant:
        zuo der vüer ich iuch mit mir.
        ich râte iu wol daz ir
        geruowet nâch iuwer arbeit.'
3644 sus saz er ûf unde reit.
         Nû vuorte sî in mit ir dan
        zuo ir vrouwen, diu nie man
        alsô gerne gesach.
        man schuof im guoten gemach
3649 von cleidern von spîse und von bade,
[ zurück ]