Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

820 und enweste niht, wiez im ergê,
      wederz genæse oder læge tôt.
      si was geborn ze grôzer nôt.
      noch enwas ez niht gescheiden
      mit disen drin leiden.
825 unmanic tac ende nam
      unz ir bœse mære kam
      und der grœzist ungemach
      der ir zir lebene ie geschach,
      daz ir bruoder wære tôt.
830 der tôt kam im von seneder nôt.
       Dô si von ir bruoder schiet,
      als in der wîse beiden riet,
      nu begunde er siechen zehant
      (des twanc in der minne bant)
835 und muose belîben sîner vart
      der er durch got enein wart.
      sîn jâmer wart sô vester
      nâch sîner lieben swester
      daz er ze deheiner stunde
840 sich getrœsten kunde.
[ zurück ]