Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Gregorius

2724 sô daz im sî widerseit
        des er dâ aller meiste ger.
        sus habet in, unz er iu wer,
        in der riuwen bande.
        den gelt von iuwerm lande
2729 den teilet mit den armen:
        sô müezet ir gote erbarmen.
        bestiftet iuwer eigen,
        swâ iuwer wîsen zeigen,
        mit rîchen klôstern (daz ist guot):
2734 sus senftet sînen zornmuot
        den wir sô gar erbelget hân.
        ich wil im ouch ze buoze stân:
        vrouwe, liebiu muoter mîn,
        diz sol diu jungist rede sîn
2739 die ich iemer wider iuch getuo.
        wir suln ez bringen dar zuo
        daz uns noch got gelîche
        gesamene in sînem rîche.
        ich engesihe iuch niemer mê.
2744 wir wæren baz gescheiden ê.
[ zurück ]