Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2225 ir ist ûf mich vaste zorn,
        ich hân ir hulde verlorn,
        daz ich iuch hie behalten hân,
        und enwil mich doch des niht erlân
        sîne welle iuch gesehen.'
2230 'ê des niht ensüle geschehen,
        ich lâze mir ê nemen den lîp.'
        'wie möhte iu den genemen ein wîp?'
        'sî hât doch volkes ein her.'
        'ir geneset wol âne wer:
2235 ich hân des ir sicherheit,
        daz iu deheiner slahte leit
        nû von ir mac geschehen.
        sî wil iuch niuwan eine sehen.
        ir müezet ir gevangen wesen:
2240 anders lât si iuch wol genesen.'
        er sprach 'sî vil sælec wîp,
        ich wil gerne daz mîn lîp
        immer ir gevangen sî,
        und daz herze dâ bî.'
2245 Sus stuont er ûf und gie dan
[ zurück ]