einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich423 swie ich niemen liep sî wan dir, swie vil dîns heiles stê an mir, du vertrüegest doch wol mînen tôt. nû wes unwert und wes nôt wart ie zer werlte merre? 428 hie vor was ich dîn herre und bin dîn dürftige nû. mîn lieber vriunt, nû kôufestû und mîn gemahel und dîn wîp an mir den êwigen lîp 433 daz dû mich siechen bî dir lâst. des dû mich gevrâget hâst, daz sage ich dir vil gerne. ich enkunde zuo Salerne deheinen meister vinden 438 der sich mîn underwinden getörste ode wolde. wan dâ mite ich solde mîner sühte genesen, daz müese ein selhiu sache wesen 443 die in der werlte nieman |