Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

5760 und vuor ir kempfen suochen.
         Sus reit sî verre durch diu lant,
        daz sî der dewederz envant,
        den man noch diu mære
        wâ er ze vinden wære,
5765 und muote sî ir irrevart
        daz sî dâ von siech wart.
        sus kam sî nâch vrâge
        zeinem ir mâge
        und begund im ir geverte sagen,
5770 ir kumber und ir siecheit clagen.
        dô er ir arbeit ersach,
        er behabetes dâ durch ir gemach,
        unde sante, als sî in bat,
        sîn selbes tohter an ir stat,
5775 diu vür sî suochende reit
        und gewannes michel arbeit.
         Sus reit sî allen einen tac,
        daz sî geverten niene pflac,
        unz daz ez an die naht gienc.
5780 einen wec sî dô gevienc:
[ zurück ]