einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Heinrich980 des gunne wir ir harte wol, sus hât siz umbe uns brâht. si enhât sich kurze niht bedâht. ez ist hiute der dritte tac daz si uns allez ane lac 983 daz wir ir sîn gunden. nû hât siz an uns vunden, nû lâze iuch got mit ir genesen; wir wellen ir durch iuch entwesen.< Dô im sîn gemahel bôt 988 vür sînen siechtuom ir tôt und man ir ernest ersach, dô wart dâ michel ungemach und riuweclich gebærde. mislich beswærde 993 huop sich dô under in, zwischen dem kinde und in drin. ir vater und ir muoter, die huoben michel weinen hie; weinens gienc in michel nôt 998 umbe ir vil lieben kindes tôt. |