Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

9312 und gap im sô manegen stôz
        daz jenen lebennes verdrôz
        der dâ under im lac:
        aller wer er gar verphlac.
        als er zwîveln began,
9317 dô bat im der rôte man
        den minnern einen vride geben.
        er sprach: "ritter, lât mich leben
        eine wênige stunt
        und nemt mir danne den gesunt."
9322 "welt ir mir des siges jehen?"
        "des enmac noch niht geschehen."
        "waz ist danne daz ir welt?"
        "edel ritter, dâ twelt
        unde saget mir wer ir sît."
9327 sus antwurte der obene lît:
        "daz habet ir selten ê gesehen,
        ouch ensolz mir niht geschehen:
        wan dâ ergienge ein wunder an,
        swenne sich der ober man
9332 müeste dem undern ergeben.
[ zurück ]