einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec2921 daz er ze künege wære gezaltund daz si wære künegîn: er hiez si beide gewaltic sîn. Êrec was biderbe unde guot, ritterlîche stuont sîn muot 2926 ê er wîp genæme und hin heim kæme: nû sô er heim komen ist, dô kêrte er allen sînen list an vrouwen Ênîten minne. 2931 sich vlizzen sîne sinne wie er alle sîne sache wante zuo gemache. sîn site er wandeln began. als er nie würde der man, 2936 alsô vertreip er den tac. des morgens er nider lac, daz er sîn wîp trûte unz daz man messe lûte. sô stuonden si ûf gelîche 2941 vil müezeclîche. |