Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4595 wan sî wâren alle
        des vil vrœlîche gemeit,
        daz er nâch gewonheit
        den ritter hete gevangen.
        er sprach: "ezn ist niht sô ergangen
4600 als ir wænet daz ez sî"
        unde sagete in dâ bî
        vil rehte diu mære
        wiez ergangen wære.
        er sprach: "swem ich nû liep bin,
4605 der kêre dar an sînen sin
        daz er in emphâhe schône,
        daz ich ius immer lône,
        den aller tiuristen man
        des ich ie künde gewan."
4610 ouch tâten si daz.
        Êrec enwart nie baz
        gehandelet anderswâ
        dan ouch des nahtes dâ.
        als si des âbents gâzen
4615 und dar nâch gesâzen,
[ zurück ]