Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

5975 unde vater guoter!
        nû ist iu ze dirre stunt
        mîn grôzer kumber vil unkunt.
        ez was iuwer beider wân
        mîn dinc vil wol gebezzert hân:
5980 ouch was ez vil wænlîch,
        dô ir mich einem künege rîch
        gâbet ze wîbe.
        der wân ist mînem lîbe
        verkêret ze ungewinne.
5985 in triegent sîne sinne,
        swem daz ze wendenne ist gedâht,
        ez enwerde vollebrâht
        swaz von gote geschaffen ist:
        dâ vür hœret dehein list,
5990 man enmüeze im sînen willen lân.
        der muoz ouch an mir ergân:
        ich muoz eht unsælic sîn.
        daz ist mir wol worden schîn
        an grimmeclîcher arbeit,
5995 der ich vil unz her erleit.
[ zurück ]