Hartmann von Aue :: Knowledgebase Portal -Dictionary

einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

[ zurück ]

Gregorius

1558 'Herre, nû versuochet ouch daz
        und gebet mir ritterlîche wât:
        dêswâr ob si mir missestât,
        sô gan ich ir wol eim andern man
        und lege die kutten wider an.
1563 herre, iu ist vil wâr geseit:
        ez bedarf vil wol gewonheit,
        swer guot ritter wesen sol.
        ouch hân ich ez gelernet wol
        von kinde in mînem muote hie:
1568 ez enkam ûz mînem sinne nie.
        ich sage iu, sît der stunde
        daz ich bedenken kunde
        beidiu übel unde guot,
        sô stuont ze ritterschaft mîn muot.
1573 ich enwart nie mit gedanke
        ein Beier noch ein Vranke:
        swelh ritter ze Henegouwe,
        ze Brâbant und ze Haspengouwe
        ze orse ie aller beste gesaz,
1578 sô kan ichz mit gedanken baz.

[ zurück ]