Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

2962 daz senen bedahte her Îwein
        als er dô beste kunde:
        mit lachendem munde
        truobeten im diu ougen.
        der rede ist unlougen,
2967 er hete geweinet benamen,
        wan daz er sich muose schamen.
        ze lande vuor der künec Artûs,
        diu vrouwe widere ze hûs.
         Dô vrâgte mich vrou Minne
2972 des ich von mînem sinne
        niht geantwurten kan.
        sî sprach 'sage an, Hartman,
        gihstû daz der künec Artûs
        hern Îweinen vuort ze hûs
2977 und liez sîn wîp wider varn?'
        done kund ich mich niht baz bewarn,
        wan ich sagt irz vür die wârheit:
        wan ez was ouch mir vür wâr geseit.
        sî sprach, und sach mich twerhes an,
2982 'dune hâst niht wâr, Hartman.'
[ zurück ]