Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3396 der zweier vrouwe under in:
        nû sprach sî zuo ir vrouwen
        'vrouwe, ir muget wol schouwen
        daz er den sin hât verlorn.
        von bezzern zühten wart geborn
3401 nie rîter dehein
        danne mîn her Îwein,
        den ich sô swache sihe leben.
        im ist benamen vergeben,
        ode ez ist von minnen komen
3406 daz im der sin ist benomen.
        und ich weiz daz als mînen tôt,
        vrouwe, daz alle iuwer nôt,
        die iu durch sînen übermuot
        der grâve Âliers lange tuot
3411 und noch ze tuonne willen hât,
        der wirt iu buoz unde rât,
        ob er von uns wirt gesunt.
        mir ist sîn manheit wol kunt:
        wirt er des lîbes gereit,
3416 er hât in schiere hin geleit:
[ zurück ]