Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3554 sô hâstû in gemachet
        zeinem tôren als ich.
        zewâre doch versihe ich mich,
        swie rûch ich ein gebûre sî,
        und wær ich rîterschefte bî,
3559 wær ich gewâfent unde geriten,
        ich kunde nâch rîterlîchen siten
        alsô wol gebâren
        als die ie rîter wâren.'
         Alsus was er sîn selbes gast,
3564 daz im des sinnes gebrast:
        und ob er ie rîter wart
        und alle sîn umbevart
        die heter in dem mære
        als ez im getroumet wære.
3569 er sprach 'mich hât gelêret
        mîn troum: des bin ich gêret,
        mac ich ze harnasche komen.
        der troum hât mir mîn reht benomen:
        swie gar ich ein gebûre bin,
3574 ez turnieret al mîn sin.
[ zurück ]