Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Iwein

3929 grôz heil und michel ungemach.
        als er die linden drobe sach,
        und dô im dâ zuo vor erschein
        diu kapelle und der stein,
        dô wart sîn herze des ermant
3934 wie er sîn êre und sîn lant
        hete verlorn und sîn wîp.
        des wart sô riuwec sîn lîp,
        von jâmer wart im alsô wê,
        daz er vil nâch als ê
3939 von sînem sinne was komen,
        unde im wart dâ benomen
        des herzen kraft alsô gar
        daz er zer erde tôtvar
        von dem orse nider seic.
3944 und als er vol sich geneic,
        daz swert im ûz der scheide schôz:
        des güete was alsô grôz
        daz ez im durch den halsperc brach
        und im ein grôze wunden stach,
3949 daz er vil sêre bluote.
[ zurück ]