Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

8159 nû murmelte aber diu diet:
        "nû schînet du enwizzest niht wol
        waz dir hie geschehen sol.
        nû enist doch leider dar niht lanc
        daz dîn vrœlîchez sanc
8164 ein vil riuwic ende gît:
        daz geschiht ê morgen ze dirre zît.
        möhtestû wizzen und dîn wîp
        daz dû dînen gelphen lîp
        solt als unlange hân,
8169 sô liezestû dîn singen stân."
        alsô reit von in dan
        der vil unverzagete man
        ûf daz hûs ze Brandigân.
        dâ wart im sîn reht getân,
8174 sô daz man in vil schône emphie.
        der wirt engegen im gie
        verre vür daz bürgetor:
        dâ saluierte er in vor,
        mit im die burgære.
8179 liep unde swære
[ zurück ]