einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Erec656 ode ich verliuse daz leben.""got sol iu gelücke geben" sprach der herzoge Îmâîn: "ouch sult ir des gewis sîn daz iuwer ellenthafter muot 661 iu gevüeget allez guot." mit dirre rede si kâmen dâ si messe vernâmen von dem heiligen geiste: des phlegent si aller meiste 666 die ze ritterschefte sinnent und turnieren minnent. dô was bereit der imbîz. man dienete in in allen vlîz. alsô der dô ergie, 671 menneclîch ze vreuden vie dar nâch als in dûhte guot und in lêrte sîn muot. ir spil was umbe die stat dâ der sparwære was ûf gesat. 676 nû nâmen si alle besunder war, |