Skip to content

Hartmann von Aue :: Knowledgebase Portal

Narrow screen resolution Wide screen resolution Increase font size Decrease font size Default font size
einen Buchstaben wählen:
| a | â | b | c | d | e | ë | ê | g | h | i | î | j | k | l | m |
| n | o | ô | œ | p | q | r | s | t | u | ü | û | w | z |

Erec

4483 nû wâ möhte er anderswâ
        ein vriuntlîcher binden
        zuo den zîten vinden?
        Guivreiz le pitîz eine alsam
        von sînem wâpenrocke nam.
4488 ein ander si verbunden
        ir ietweder die wunden
        die er mit sîner hant sluoc.
        diz was vriuntlîch genuoc.
        hie was vrouwe Ênîte mite
4493 vil güetlîchen nâch ir site.
        ze handen viengen si sich dô,
        ir ietweder was des andern vrô,
        und sâzen ensamet ûf daz gras,
        wan in ruowe nôt was.
4498 in hete der strît getân vil heiz:
        beide bluot unde sweiz
        hâte si berunnen gar.
        vrouwe Ênîte gienc ouch dar.
        diu hâte liep bî leide,
4503 als ich iu bescheide.
[ zurück ]