einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius2339 vernomen hân der mæredâ von er trûric wære? wære im selhes iht gesaget, daz enhete er mich niht verdaget. im enist ze weinen niht geschehen:2344 dû hâst entriuwen missesehen.' 'vrouwe, leider ich enhân. dêswâr ich sach in hiute stân dâ in ein riuwe gevie diu mir an mîn herze gie.'2349 'Sich, jâ was ez ie dîn site unde hâst mir dâ mite gemachet manige swære: dun gesagetest nie guot mære. noch baz dû gedagetest2354 dan dû die lüge sagetest diu mir ze schaden gezüge.' 'vrouwe, diz ist niht ein lüge. jâ enist anders niht mîn klage wan daz ich iu sô wâr sage.'2359 'sich, sô meinestûz doch sô?' |