einen Buchstaben wählen: | a | â | b | c | d | e | ë | ê | g | h | i | î | j | k | l | m | | n | o | ô | œ | p | q | r | s | t | u | ü | û | w | z | [ zurück ]
Gregorius869 sô was si guotes mannes wert:doch wurden si alle entwert. Si hete zuo ir minne erwelt weizgot einen stæten helt, den aller tiuristen man874 der ie namen gewan. vor dem zierte si ir lîp, als ein minnendez wîp ûf einen biderben man sol dem si gerne behagete wol.879 swie vastez sî wider dem site daz dehein wîp mannes bite, sô lac si im doch allez an, sô si des state gewan, mit dem herzen zaller stunde,884 swie joch mit dem munde: ich meine den gnædigen got. sît daz ir des tiuvels spot sîne hulde hete entworht, daz hete si nû sô sêre ervorht889 daz si vreude und gemach |